Dafydd Owain: Ymarfer Byw

Ddwy flynedd a rhai misoedd ers lansio ei ymdrech gyntaf ar gasgliad o ganeuon solo, mae Dafydd Owain yn dychwelyd gyda’i ail ymdrech, a hynny mewn albwm ’dan y teitl Ymarfer Byw.

Yn ôl Dafydd, cam tuag at adwy drws nas agorwyd oedd ei albwm cyntaf, Uwch Dros y Pysgod. Ei fwriad gydag Ymarfer Byw yw camu dros adwy’r union ddrws hwnnw.

Dyma wahoddiad felly i ymuno â Dafydd mewn rhyw fath o gloddiad archeolegol lletchwith o’i feddyliau tyfnaf ac i foesymgrymu i bob un ffaeledd amwys yn eu tro.

Noder: Bydd perfformiad Dafydd yn cyffwrdd ar themâu emosiynol-ddifrifol a dwys ar brydiau. Er mai cyffyrddiadau amwys fydd yn cael eu cyflwyno ar y cyfan, mae’n bosib y bydd rhai elfennau o’r perfformiad yn anaddas i gynulleidfaoedd iau neu unigolion â sensitifrwydd i’r themâu hyn.